發顛

我最想知的人唔會知 ~ 唯有自己發下顛等自己唔好諗咁多.

分手, 總會有千千萬萬個理由. 其實講到最後都係你唔合格.
你唔係我喜歡的類型,即代表了出面佢可以找到比你更好的.
心諗, 以我現時的層次, 我可以在出面大把選擇. 何必屈就於你一個不合格者.
未玩夠定係未揀定? 不如一個理由來殺得痛快,一句變心,一句你唔合格,我大把追求者揀.
我唔想再諗返起你走果時的自諷."我可能會孤獨一世呢", 放屁啦,通通都是大話.
最下留底一個無盡的思想空間,然後不說再見,斷絕所有來住,只知道自己要死心死心死心~
係呢一刻 我係有D嬲, 我認我有點開始憎恨你. 我有時令願選擇走呢條路.
因為我真係好想快D死晒個心 ~ 我唔想再有咩可以復合的希望,
因為我就係知我自己成日想復合, 成日好白痴咁仲為你好,仲想對你好.仲係度諗方法.
有用咩? 個天會突然幫我做奇蹟咩? 我一個普通人可以做咩? 我好憎自己點解咁白痴唔信邪,
咁天真,咁善良,好人有好報咩? 如果我真係要受罪點解要搵我感情來開刀.
成日諗住人定勝天,成日打算用自己力量可以改變命運,仲成日覺得只要努力咩都可能成功,
呢家所有野事實就話俾你知, 你天生就係咁鬼樣,鬼叫你生成條命咁差.
哈,我學識人不為己天誅地滅.,學識,你唔長進,你冇實力,你冇得進步,你唔跟大圍,你唔扮野,
你唔做假,你冇得同人爭,遲早飛你出局早D收皮入土維安.如果有D野係註定,努力都冇用,咁我註定收皮都得.

我仍然想大方一點,因為我知道唔愛就唔愛,你冇做錯.由朋友到情人,由情人到咩關係都冇.
愛唔愛,放唔放得低,唔重要.要一個人在生命中Delete另一個人這感覺係最難受.做仇人都起碼讓你記住一世,由有關係突然到冇晒關係,我唔係咁頂得順.因為我生命中重視的係關係.
我日日夜夜想轉工, 我唔想再見到你,可惜時世唔好,我又唔可以手停,仲要返學. 加上我唔想你又俾人閒言閒語. 唔知點解我仲咁幫你, 我呢D 仆街冇得救.我又再次卡住左唔上唔落.不如我都自私D,我咩都唔理我照轉啦~有如你做到咁絕都係為左唔想人講你一樣.

落刀者, 總會唔想傷害得對方太深令人充滿希望.
由於明知, 我唔會再有咩希望,又唔想做咩好人.唔想再俾人埋單收皮,
我要得到晒世人認為係成功既野,先擺休.我唔會再俾人睇死.~

既然發洩晒就唔好諗太多了.又唔會俾咁多人知道,因為呢D都唔會係事實,都係你自己一相情願的想法吧.~ 做好你自己先最做要 ~ 其實我係唔會咁睇一個人.由其係阿呆.~